記得2年前識到一個晌新moday做既肥肥矮矮editor(高層黎架, 普通人眼中既潮人先知, 佢講乜會輕你會信果隻呢, 不過好神化, 冇聯絡喇~), 而唔知幾多年前識到一個好鬼鍾意睇呢類雜誌既網友, 就係被呢d書洗腦而買左條勁貴既牛仔褲(=下面單字"牛"請發音"嘔").

不值果班坐晌office/ home吹水既潮記所為, 決定將真實一面介紹比大家, 等大家用另一個角度欣賞一條牛, 而非單單"牌子, 限定, 洗水, 自然貓須, 好抵(其實勁貴)"等字眼咁膚淺. 仲有, d二世祖唔該你買條咁貴既牛返去, 唔好再亂用方法嘗試改變條牛既色, "unique"唔係浸下漂水鹽水就得, 跟本係糟塌一條好端端既牛!

當年我笑我個網友, 減左價都好貴既名牌牛佢都肯買. 入左xxx年半, 開始明白每一條牛都有佢成本(自身價值, cost)及市場價格(market px, depends on demand & supply), 如我manager成日話, 每條牛其實都係一件藝術品, 好多都係人手造(hand made), 逐條車逐條洗, 同名牌袋一樣, 所以人手製並唔係咁輕香.

cost包括fabric, trims, cm(t), wash, packaging, transportation, quota, etc. 詳細即係咩, 我唔多講, 問你身邊做merchandiser既朋友啦, 大同小二.

影響demand & supply既因素就喪多, 包括你睇得太多果d"毒品"雜誌, 人有你有/人冇你有既心態, 限定生產數量等等.

今次我講下牛cost入面既wash--洗水.

denim, 牛仔布係woven fabric一種, 成日都係藍色, 因為有indigo(dyeing stuff). 牛仔布通常用oz去分級, 即係布既厚簿, 做女裝上衣會用輕身的8oz以下牛仔布, 做jeans就起碼10oz以上喇. 而要學人玩洗水, 就要用厚身布, 因為耐磨唔易磨穿布.

簡單洗水: garment wash普洗, stone wash石洗, non-wash唔洗(rigid)

garment wash, 用於厚denim的話, 洗左都冇乜分別, indigo唔甩得多, 又冇任何輔助磨擦, 只會比唔洗水時軟身少少, 即係, 多數用晌薄牛.

stone wash, 一般low cost洗水, 加d火山石, 酵, 樹脂, 軟油等, 令洗水後全條牛有花痕, 手感軟d及洗甩多d indigo令塊布變成唔同tone既藍色. 唔一定有花痕既, 萬事有得控制~

non-wash, 即係乜都唔做, 滴水不沾, 車好接好就拎去賣, 硬柴柴, 黑mon mon咁, 等你班傻仔仲以為執到寶, 比錢買仲要拎返屋企整色整水...


~洗水廠大型"洗衣機"(其實仲有超級"大眼仔")
~圓碌碌既火山石

(待續)