對上一個ENTRY,仲要係無聊野,已經過左好耐冇寫過自己野.

以下會分幾方面寫寫我既近況:-

我個人- 外表冇乜變, 都係四眼, 久唔久帶下大眼仔加化妝, 因為洛媽同有D人話我頭頂頭髮少, 所以冒險去電左, 效果又幾唔錯喎, 著咩都好似順眼D~ 身型冇乜點變, 早午晚仲食得好過以前, TOUCHWOOD, 體重都係大約百... 上個月無啦啦由喉嚨痛變爛脷, 講野食野都有問題, 而家一有咩唔妥, 整碗涼茶先.

我屋企- 冇搬, 仲係同屋企人住, 最近家人一個二個病左, 日日喪咳, 又係好彩我冇咩事, 希望個個身體健康. 而特別一提既係, 我姪仔晌4月25日出左世! 起初好唔習慣多左個B同成日好多人, 成日開OT唔想返屋企. 後來BB大個左DD, 大家冇再咁緊張大師, BB個樣又天生得意, 情況同心理先有D改善, 成日諗返到屋企有BB玩, 唔會悶. 始終, BB都係人地果個好玩~ 上星期同屋企人去清水灣, 撘好耐車, 又熱到甩肺, 但好多年冇試過家庭日, 感覺很不錯. 仲記得剛知道弟婦有BB時, 我係擔心多過開心, 不過SO FAR, 我老豆好耐未試過咁開心, 雖然把口仲係成日唔收... 多謝細佬同弟婦帶黎MATTHEW仔.

我D鼠- 同2鼠一齊, 今年10月就足2年喇! 亦代表佢地陪我既時間又剩番少D... 因為呢個鼠歲問題, 刀疤右面頰既腫瘤, 獸醫都建議唔好開刀, 反正不影響牠日常生活... 事實係, 刀疤身體好快有變, 飲好多水(每隻鼠臨去前都像好多水), 又瘦, 最嚴重係個身有小腫瘤, 含膿, 結左疤既爛肉, 甩毛, 右眼就撐不開, 左眼少突.. 你唔會想見到佢, 見到一定會想喊.. 刀疤, 撐住, 鍚晒你, ALWAYS! 而碌碌仔就冇變, 每晚定時咬籠...

我份工- 已經晌而家XXX做左1年3個月, SENIOR個位冇請人, 望住呢個位努力, 直接跟住MANAGER學多好多野... 但懶左咁多年而家先發奮工作實有點力有不隸, 工作量奇多, OT多左好多, 都冇乜時間心機偷懶, 真係好攰, 晚晚瞓死左... 返工唔再係"HAPPILY", 更珍惜放工後既時間.

我要玩- 呢幾個月除左玩BB, 仲有NDS, 不過冇咩GAME值得我花時間去煲喇. 冇聽歌, 去K最新識唱既歌都係..韻律泳..暑假好多好戲, 街頭超人, 赤壁上集, BATMAN, WANTED, 一套不如一套... 仲有上SINA玩網上小遊戲, 個NOTEBOOK既CD ROM就死, 唔買過部就冇得再匿晌房煲碟, 我真係有舖翻睇舊戲癮. 夏天到了, 姑且睇下會唔會去游下水.. 仲有, 最重要既, 仲勤力過返工既小小SMS及FACEBOOK之古惑仔ONLINE!

我要買- 呢幾個月買野都幾瘋狂, 份BONUS留到而家先用, 生日月大大個藉口買買買. 公司樓下一個大商場, 坐我後面既MANAGER, 隔離左右既姊妹又係買野精, 成日有值口去買衫同鞋, 買得起就買啦~ 唔會買到周身債就得架喇~ HEE~ 名牌? 上個LV之後, 好似買夠LU, 冇乜興趣行名店, 唯一一個目標, 真係好想有個CHANNEL 2.55, 不過唔急, 第日先~ 我可能係港男眼中TYPICAL貪名牌既港女, 不過我跟你講, 女人只係將錢投放晌唔同既地方, 港男可能係錢搵錢OR玩AV, 女人就係要想方法去得到另一個女人既認同/優越感. 我受唔起風浪, 唔會冒險投資日夜心驚膽跳. 而家咁樣同其他女人仔傾講扮靚, 人有我有, 好滿足.

講住咁多先, 呢個夏天真係好熱.